భారతదేశ భవిష్యత్తు యువకుల చేతుల్లో ఉంది. ఈ దేశానికి విలువైన ఆస్తి యువతరమే. యువత ఎక్కువ కలిగిన మన దేశానికి ఇదొక వరం. భారతదేశ భవిష్యత్తుకు వెన్నుముక మన యువత. యువత నడుంబిగిస్తే ప్రపంచ పటంలో మన భారతదేశం అగ్రభాగాన నిలబడుతుంది.

నేటి సమాజంలో ఎంతో మంది యువకులు రాజకీయాల్లోకి రావాలని ఆశయంతో ఉన్నప్పటికీ, ఇప్పుడున్న రాజకీయ వ్యవస్థ వాళ్లను ముందుకు రానివ్వడం లేదు. ఎదగనివ్వడం లేదు. ఎవరైనా ధైర్యం చేసి ఎదగడానికి ప్రయత్నిస్తే అణిచివేతకు గురవుతున్నారు. అయితే సమాజం పట్ల బాధ్యత, అవగాహన, మాతృదేశానికి సేవ చేయాలన్న ధృఢ సంకల్పం, గొప్ప ఆశయం ఉన్న యువకులను గుర్తించి వాళ్లకు ఒక వేదికను ఇచ్చి వాళ్లను ప్రజలపక్షాన నిలబడేలా చేయడమే జనపక్షం ఉద్యమ సంస్థ ద్వారా ఏర్పాటు చేయనున్న మాక్ అసెంబ్లీ యొక్క ప్రధాన లక్ష్యం.